Boa Vida Rural

Construindo comunidade

Integral rural

Acompañamos de forma individual e grupal procesos de mellora e cambio persoal, ademais de formación diversa: formación agrícola, acompañamento, prevención da violencia de xénero, etc.

En consonancia cos obxectivos establecidos pola Axenda 2030 cara a un mundo máis xusto, inclusivo e sostible, o desenvolvemento rural é considerado como unha das áreas clave, no sentido da oportunidade que presenta para formular políticas nos territorios con capacidade de crear sinerxias e así avanzar cara á inclusión e o desenvolvemento sostible

ATENCIÓN ÁS PERSOAS MAIORES

Promoción da solidariedade e apoio na soidade.

A atención a persoas maiores debe dar solución a un amplo abanico de demandas asistenciais. Debe responder, en distinta medida, ás súas necesidades sanitarias, pero tamén ás súas demandas sociais, en atención ao seu grao de autonomía e situación familiar, pero tamén intereses e desexos acerca de onde preferirían recibir os tratamentos e coidados.

En Boa Vida pretendemos asistir á persoa maior atendendo a todas estas circunstancias, tanto en domicilio, como no propio centro, e acompañando á familia en cada fase do proceso de envellecemento.

Solicitar información

604 237 244

Compartimos lecer

Espazos de participación para a mocidade

Creamos espazos de participación e lecer saudable para a mocidade, contribuíndo deste xeito á fixación da poboación no rural.

Afrontamos de maneira colectiva os retos principais da comunidade sempre desde o prisma da sustentabilidade, a igualdade de oportunidades e a non discriminación.
Neste sentido, desde este proxecto analízanse, compártense e desenvólvense de maneira comunitaria experiencias innovadoras para a sustentabilidade do medio rural, constituíndose como unha vía de intercambio de coñecemento, aprendizaxe e traballo en rede entre os diferentes actores que compoñen o territorio.

Consulta o calendario

Bitácora de Boa Vida Rural

Envellecer en amizade

A través do programa de voluntariado que levamos a cabo a pola subvención destinada á realización de programas de interese xeral para fins de carácter social, con cargo á asignación tributaria do 0,7% del IRPF, iniciamos o proxecto “Envellecer en Amizade”.

O vindeiro sábado 31 de xullo as 10:30 presentaremos este proxecto de futuro, no que xuntaremonos persoas interesadas nun futuro compartindo en común, onde nos preguntaremos como e con quen queremos envellecer.

Se estás interesado neste pensamento e filosofía de vida, non dubides en contactarnos para anotarte ó grupo e vir a coñecernos.

Agardámoste.

Horta ecolóxica

Este ano iniciamos o proxecto da Horta ecolóxica e colaborativa nas zonas de Alba e Lerez do concello de Pontevedra.

O traballo é un piar moi importante dentro de Boa Vida e a ecoloxía unha das nosas formas de vivir e entender o mundo. Entre o traballo e a ecoloxía, as nosas hortas comezan a dar os seus frutos, e queremos compartir convos os productos que sairon das terras.

Se queres probar os nosos productos, non agardes máis e acude as nosas tendas, na rúa Santa Clara 35 e na rúa da Seca 3.

Boa Vida e o Rural

Boa Vida tamén loita polo rural

Onte en #Pontevedra e #Pontedeva (Ourense), participantes, voluntarios/as e técnicos/as compartiron no grupo #ParticipAndo un gran día de contacto nas fincas ecolóxicas que traballamos nas zonas de Alba (Pontevedra) e Trado (Ourense).

Vas perder o seguinte ParticipAndo???, SEGURO QUE NON.

Acompáñanos nesta xuntanza os últimos mércores de mes.

#boavidainclusionactiva Boa Vida Rural Boa Vida – Tenda Solidaria

9 aniversario Boa Vida

Estamos de celebración, xa son 9 anos os que a Asociación Boa Vida segue na loita polos dereitos dos que o precisan e contra a pobreza.

Pouco a pouco imos facendonos máis grandes, pero este camiño non sería posible sen ti.

Para celebrar o novo aniversario temos preparado dous eventos para esta semana:

Xoves 15 de abril as 19:00, na ODDS e tenda solidaria (Rúa da Seca, 3 – Pontevedra), presentación da nova tenda e proxección de fotografías, tampouco faltará a música e as boas conversas.
Sábado 17 de abril as 11:00, na Praza da Peregrina, posto informativo e exposición de produtos reciclados.

Animate a pasar connosco este novo aniversario, agardámoste.

Memoria Boa Vida 2020

Deixamos a vosa disposición a nosa memoria de actividades do ano 2020.

Lembrámosvos que tamén están as memorias históricas da asociación na web do RUEPSS (Rexistro único de entidades prestadoras de servizos sociais), accedendo a través do seguiente enlace: https://politicasocial.xunta.gal/XiacWeb/aInicio.do (Buscar entidade – acceder a ficha da mesma – clic na lapela “datoso oficiais”)

Podes acceder directamente a memoria no seguinte arquivo pdf

Memoria-2020 Descarga

Felices festas e próspero 2021

Bo Nadal e que o #ano2021 entre nos vosos fogares cheo de boas novas.
@AsociacionBoaVida Boa Vida Rural Boa Vida – Tenda Solidaria #boavidainclusionactiva

Prevención e sensibilización sobre o COVID 19 CPI Padrenda- Crespos

Finalizamos os dous obradoiros de prevención e sensibilización sobre o COVID 19 co alumnado de 1º,2º,3º e 4º de ESO .

Xornadas EAPN contra a pobreza dende o rural

Xornada da EAPN – Galicia sobre a desigualdade territorial no acceso a dereitos

O 4 de decembro, EAPN organiza unha xornada para afrontar a desigualdade territorial no acceso a dereitos como a vivenda e o emprego, así como para loitar de xeito eficaz contra a pobreza e a exclusión social.

Dirixida a entidades e persoas vinculadas ao medio rural, o prazo de inscrición estará aberto ata o 2 de decembro.

Compartimos Lecer participa nas bancadas do campo de futbol de Pontedeva

O sábado pasado Compartimos Lecer , grupo de participación e lecer xuvenil, plasmou as súas ideas e sentires nas bancadas do campo de futbol de Pontedeva.

Campaña de difusión Contra a Violencia de Xénero

Estamos a levar a cabo unha campaña de difusión Contra a Violencia de Xénero na que queremos que participes.

Consulta as nosas redes

Boa Vida inclusión social

A nosa misión é traballarmos para diminuir desigualdades, fortalecer capacidades e mellorar o acceso a oportunidades a través da formación e o traballo en equipo.

Pontevedra-Trado / Pontedeva (Ourense)
986 101 116 / 604 237 244

O mais importante

Recibe información para estar atento os nosos proxectos e axudas.