Formación na Horta Comunitaria sobre Bosques Comestibles

Hoxe, luns 6 de xullo, a Horta Sociocomunitaria de Salcedo acolle un obradoiro formativo sobre “Bosques comestibles”. Trátase dun sistema agroforestal que busca imitar a estruturae o funcionamento dun bosque natural para producir alimentos de maneira sostible.

A actividade está guiada por Carlota, a nosa técnica agrícola, quen achegará aos participantes os coñecementos necesarios para comprender e replicar este modelo. O bosque comestible constitúe unha alternativa real aos sistemas agrícolas convencionais, fomentando a biodiversidade, a rexeneración do solo e a produción local de alimentos sans.

Contidos principais:

• Principios do bosque comestible: capas, especies e funcións.

• Deseño e planificación dun sistema agroforestal produtivo.

• Beneficios ambientais, sociais e comunitarios deste modelo.

Inscrición e contacto:
Para participar, podes contactar con Boa Vida a través do correo electrónico [traballosocial@boavida.org] ou do teléfono [698.124.762]. Prazas limitadas.

A Horta Sociocomunitaria de Boa Vida é un proxecto que integra a agroecoloxía coa inclusión social, ofrecendo un espazo de aprendizaxe colectiva. Con este obradoiro, seguimos a sementar saberes e a cultivar comunidade.