Diario de novas Boa Vida

Para nós é importante transmitir todo o que ocorre no noso entorno e sobre todo estar en contacto contigo.
Dixitalizate 4ª edición

Dixitalizate 4ª edición

Boas novas, o mes de outubro en Boa Vida será o mes da dixitalización.

Iniciamos a 4ª edición da formación “Dixitalizate”, queres saber como utilizar as novas tecnoloxías na túa vida diaria? sabes manexar o teu ordenador ou mobil para contactar coas distintas administracións?

Nesta formación aprenderás ferramentas básicas dixitais como o email, internet, teléfonos intelixentes, e creación/manexo de certificados dixitais, app mobiles, etc.

A data limite de inscrición é o luns 2 de maio. Inicio previsto 3 de maio.

Non esperes máis e se estás interesado/a non dubides en contactarnos para a túa preinscripción. Prazas limitadas

Para máis información:

ODDS Boa Vida (Rúa da Seca, 3 baixo)

Tel.: 698 124 762

Email: formacion.emprego@boavida.org

Oferta emprego Asociación Boa Vida

Oferta emprego Asociación Boa Vida

OFERTA DE EMPREGO

Asociación Boa Vida

Data: 7 abril 2022.

Posto: Técnico en orientación e prospección laboral.

Proxecto: Programa integral inserción sociolaboral de persoas vulnerables.

DESCRICIÓN DO POSTO

Organización e desenvolvemento do programa integrado de emprego no equipo da entidade.

FUNCIÓNS

  • Coordinación xeral do programa.
  • Colaboración na xustificación económica.
  • Elaboración de informes e memorias xustificativas do programa.
  • Identificación de boas prácticas a partires das actuacións desenvolvidas no programa, presentando propostas de mellora e demandas para as políticas de inserción sociolaboral e elaborando manual específico ao final do programa.
  • Selección das persoas participantes.
  • Orientación individualizada.
  • Realización de sesións de traballo de grupo a busca de emprego.
  • Prospección empresarial.
  • Captación de empresas para realización de practicas non laborais.
  • Deseño e coordinación de formacións.

REQUISITOS

  • Experiencia en coordinación ou xestión de programas de inserción sociolaboral e acceso ao emprego, en especial nos impulsados dende a Xunta de Galicia como Plans Integrados de Emprego.
  • Experiencia en intervención con persoas en risco ou situación de pobreza ou exclusión social, en especial dende entidades do Terceiro Sector Social.
  • Titulación relacionada co posto (Traballo Social, Educación Social, Integración Social)
  • Experiencia en prospección empresarial.
  • Coñecemento da normativa e dos recursos sociais e de acceso ao emprego existentes.
  • Coñecemento dos idiomas galego e castelán falado e escritos. Valorarase o coñecemento de inglés.
  • Valorarase experiencia previa de voluntariado, especialmente no eido social.
  • Valorarase carné de conducir e vehículo propio, así como dispoñibilidade para desprazarse e flexibilidade horaria.

COMPETENCIAS

  • Orientación para o traballo en equipo, por obxectivos e resultado.
  • Alta capacidade de organización, resiliencia e resposta en prazos axustados.
  • Flexibilidade, empatía e capacidade de adaptación ás necesidades da base social ou das administracións públicas.
  • Dinamismo e proactividade na resolución de problemas.
  • Boas habilidades de comunicación oral e escrita.

DATOS BÁSICOS DA CONTRATACIÓN

  • Contrato ata fin subvención. Xornada 35 horas.
  • Lugar de traballo: Pontevedra.
  • Incorporación inmediata.

CONCURRENCIA

Envío ao enderezo electrónico administracion@boavida.org ata o 17 de abril de 2022 (incluído), co asunto “Selección programa emprego + NOME E APELIDOS”, e adxuntando CV actualizado e unha carta de motivación que inclúa descripcion de como organizaria o traballo maximo 2 folios.

Obradoiro Mecánica

Obradoiro Mecánica

Organiza: CIFP A Xunqueira

Colabora: Asociación FISA Boa Vida

Obxectivos

  • Iniciarse en técnicas básicas do mantemento de vehículos.
  • Descubrir motivacións persoais e profesionais que faciliten inclusión educativa.
  • Ter experiencias educativas de éxito nun contexto tranquilo e seguro.

Persoas destinatarias

Aquelas persoas interesadas nos obxectivos con idades comprendías entre os 14 e os 52 anos.

Nº máximo de prazas: 3

Monitoría:

Persoal do CIFP A Xunqueira

Datas de realización:

Do 4 de maio ó 8 de xuño

Sesións de hora e media diaria en horario de tarde a determinar.

Os seguintes días: 4, 11, 18, 25 (maio) 1, 8 (xuño)

Duración: 9 horas.

Información e preinscipción:

Prazo de inscripción ate o 28 de abril.

ODDS asociación Boa Vida (Rúa Seca, 3 baixo – Pontevedra)

Tel. 698 124 762

Email: itinerariosboavidainclusion@gmail.com

PRESENTACIÓN DA REDEVITAL

PRESENTACIÓN DA REDEVITAL

NACE REDEVITAL ONDE 3 ENTIDADES NOS UNIMOS PARA OFRECER APOIO E FERRAMENTASPARA MELLORAR A SITUACION SOCIOLABORAL E A CALIDADE DE VIDA DA CIDADANÍA

AS PERSOAS MAIORES, AS PERSOAS CON DISCAPACIDADE, EN RISCO DE EXCLUSION E A MOCIDADE SERÁN AS BENEFICIARIAS DOS SEUS PROXECTOS.

A agrupación REDEVITAL formada pola Asociación Boa Vida (Pontevedra) a Fundación Formavigo (Vigo) e a Fundación Impulsarse (Vigo e Pontevedra) únense nun programa integral para traballar a mellora e a calidade de vida dos distintos colectivos que presentan algunha dificultade na súa inserción social e/oulaboral, a través de distintos programas de mellora da calidade de vida e da súa empregabilidade. Serán programas dirixidos a mocidade, a familias en dificultade para súa inserción, e persoas con discapacidade, persoas maiores e poboación en xeral que se atope en situación de vulnerabilidade, con especial atención ao rural.

Asemade teremos unha liña de traballo coas persoas maiores na que se priorizarán actividades para a prevención da soidade e a súa calidade de vida.

Grazas a financiación da Consellería de Política Social da Xunta de GaliciaGalicia a través dos fondos recadados pola declaración da renda 0,7 e outros cofinanciadores (Concello de Pontevedra, Fundación la Caixa, Concello de Rendondela), este ano poremos en marcha 6 proxectos en Pontevedra, Redondela, Pontecaldelas, Fornelos, Pontedeva (Ourense), Monforte, Betanzos, Carballiño e Abegondo.

Cun orzamento total de  188.756,94€, as 3 entidades realizarán un total de 6 proxectos que contarán coas seguintes liñas de actuación:

  • Programa CONECTA EMPREGO para mocidade
  • Programa VIDA COMPARTIDA para persoas maiores
  • Programa RUS-TICs de emprego de TICs para maiores
  • Programa CAPACITA2 para persoas con discapacidade
  • Programa VIVIR CO RURAL
  • Programa FAMILIAS VITAIS

Así, desenvolverase en Pontecaldelas 3 programas. O primeiro dirixido a persoas con discapacidade para a súa preparación para o emprego na que realizarán un curso de auxiliar de operacións industriais para a súa inserción laboral

No segundo atenderase a un total de 35 persoas de familias que se atopen en situación de especial dificultade ou exclusión social para mellorar a súa empregabilidade, na que se capacitará as participantes nas profesións máis demandas no lugar.

E no terceiro traballarase o uso de TICs cas persoas maiores do concello de Pontecaldelas.

En Abegondo, Carballiño e Monforte desenvolverase un programa para a mocidade de entre 16 aos 18 anos para mellorar as competencias e habilidades dos mozos para a súa incorporación ao mercado laboral e reducir o abandono escolar. Serán un total de 225 mozos e mozas.

En Pontevedra, Redondela e Pontedeva desenvolveremos VIDA COMPARTIDA, un programa dirixido ás persoas maiores para á promoción da súa autonomía persoal, envellecemento activo e prevención da dependencia. Achegarémonos a perto de 200 persoas para ofrecer actividades para paliar a soidade non desexada, fortalecer as redes de apoio no rural, formación no uso dos móvilessmartphones, formaremos ás persoas sobre coidados e atención aos maiores no fogar, entre outros servizos de apoio.

O derradeiro programa VIVIR CO RURAL, vencellado ao desenvolvemento no rural levarase a cabo nas localidades de Pontevedra, Redondela, Monforte de Lemos e Betanzos para motivar ás persoas en situación de exclusión a producir alimentos para o autoconsumo e formalas en posibles campos do mundo rural xeradores de ingresos. E na sensibilización aos máis novos sobre a importancia do rural e o coidado do medio.

Con esta alianza, dende REDEVITAL queremos acadar un aproveitamento de recursos públicos facendo unha programación completa en base as distintas especializacións que aporta cada entidade, mellorando así a oferta e o servizo que se lle ofrece a cidadanía. Xuntas dispoñemos dun equipo multidisciplinar con técnicas de traballo experimentadas a través dos anos e unha alta especialización nos sectores rurais, empresas, formación e colectivos desfavorecidos.

Pola súa parte, a Asociación Boa Vida, consolida coa participación nesta rede o traballo de loita contra a pobreza que ven desenvolvendo na cidade, coa reciclaxe e as tendas de segunda man, amplía a intervención ao rural pontevedrés e na formación para a busca de emprego.

A Fundación Formavigo, especializada en formación e inserción laboral en Vigo, abre nesta nova etapa na REDEVITAL, novas liñas de traballo no rural e na atención ás persoas maiores noutras localidades, como é o caso de Redondela.

A Fundación Impulsarse, continúa na súa labor da mellora da calidade de vida de persoas en risco de exclusión social mediante o acercamento ao uso de TICs, a intervención na mocidade para unha orientación laboral práctica, a inclusión na empresa ordinaria de persoas con discapacidade e o asesoramento a familias que se atopan nunha situación crítica no eido do empleo. A traxectoria da Fundación no eido da inserción sociolaboral facilita a estes colectivos todas as ferramentas necesarias para a consecución dos seus obxectivos.

Podes estar informada de primeira man subscribindote o noso boletín.

Boa Vida inclusión social

A nosa misión é traballarmos para diminuir desigualdades, fortalecer capacidades e mellorar o acceso a oportunidades a través da formación e o traballo en equipo.

Pontevedra-Trado / Pontedeva (Ourense)
986 101 116 / 604 237 244

Recibe información para estar atento os nosos proxectos e axudas.