Charla sobre relacións laborais: nova data o 13 de novembro
Finalmente, a charla informativa “As relacións laborais: dereitos, deberes e modalidades de contratación”, organizada por Boa Vida en colaboración coa Confederación Intersindical Galega (CIG) de Pontevedra, xa ten nova data. Tras o adiamento da convocatoria inicial, a sesión celebrarase o vindeiro venres 13 de novembro de 2026.
Descrición da actividade:
Unha charla aberta e gratuíta deseñada para ofrecer información clara e práctica sobre o ámbito laboral. O obxectivo é que as persoas participantes coñezan os seus dereitos, comprendan as distintas modalidades de contratación e saiban como actuar ante posibles irregularidades.
Contidos:
-
O contrato de traballo: elementos esenciais.
-
Modalidades de contratación: tipos e características.
-
Dereitos fundamentais: os dereitos que asisten a toda persoa traballadora.
-
Deberes e responsabilidades: obrigas do traballador e da empresa.
-
Cando hai problemas: recursos e canles de reclamación.
-
Parte práctica: resolución de dúbidas e casos concretos.
Detalles prácticos:
-
Data: Venres, 13 de novembro de 2026
-
Horario: De 18:30h a 20:30h
-
Lugar: Local CIG Pontevedra — Salón de Actos. Rúa Pasantería, nº1. Pontevedra
-
Acceso: Charla gratuíta.
Inscrición e contacto:
📞 Teléfono: 698 124 762
Esta actividade enmárcase no compromiso de Boa Vida coa información, a prevención e o acompañamento no eido laboral, así como coa colaboración con entidades sindicais para a defensa dos dereitos das persoas traballadoras.
Coñece, infórmate, participa!