Historia
Nacemos no 2010, en Pontevedra, vinculados ao Equipo Municipal de Inclusión Social (EMIS), un programa municipal do Concello de Pontevedra. Co peche deste servizo decidimos continuar a nosa andaina como asociación e despois de traballar no fortalecemento do grupo promotor rexistrámonos como Asociación Filantrópica Inclusión Social Activa Boa Vida, en febreiro do 2012.
Dous anos estivemos levando a cabo os fins recollidos nos nosos estatutos, principalmente no referente aos dereitos e deberes sociais (actividades formativas, informativas e reivindicativas).
Cando estabamos a punto de disolvernos, recibimos o apoio (económico, técnico e humano) de Traperos de Emaús de Navarra. Decidimos manter a actividade e iniciar unha que a pesar de tela nos estatutos non eramos quen de pola en marcha, a actividade laboral.
No 2014 deseñamos o que é a nosa actual estrutura: Oficina de Dereitos e Deberes Sociais (ODDS), e Boa Vida Trapera. Coa primeira mantemos diferentes proxectos financiados pola Xunta de Galicia, mentres que coa segunda iniciamos o proxecto de empresa de inserción. Recollemos case 8000 kg de roupa e calzado, e abrimos un rastro no Nadal.
No 2015 abrimos a tenda solidaria de forma permanente, co cal seguimos recollendo roupa, calzado e outros obxectos en bo uso. Temos a memoria á vosa disposición en documentos. No 2016 consolidamos a Oficina de Dereitos e Deberes Sociais e Boa Vida Trapera, coa tenda e almacén e a compra dunha furgoneta; ademais de estabilizar un equipo de traballo importante.
Se asombra o noso éxito, imaxinen o noso esforzo!!
Espazos de traballo
Como en todas as empresas e administracións, en Boa Vida esforzámonos por aplicar todos os protocolos sanitarios necesarios na actual situación provocada pola Covid-19. Porque máis que nunca, neste momento non podemos parar!
Equipa / compañeiras
Persoas provintes de diferentes campos, dende o Traballo e a Educación Social, á Psicoloxía ou á Orientación Laboral.
Rede Galega contra a Pobreza
A Rede Galega contra a Pobreza é unha entidade non lucrativa e de acción social que agrupa a entidades autonómicas do terceiro sector.
Redeaxuda
Redeaxuda é unha plataforma de axuda e interacción entre a cidadanía e as entidades sociais pontevedresas para atender as necesidades básicas da poboación.
Emaús Internacional
Creado por el Abbé Pierre en 1971, Emaús Internacional está formado por 410 organizaciones miembros que trabajan en 41 países
Boa Vida inclusión social
A nosa misión é traballarmos para diminuir desigualdades, fortalecer capacidades e mellorar o acceso a oportunidades a través da formación e o traballo en equipo.
Pontevedra-Trado / Pontedeva (Ourense)
986 101 116 / 604 237 244
O mais importante
