Asistimos ao acto “O modelo Galicia: transformando o Fondo Social Europeo (FSE+) en inclusión social real e efectiva”
Dende Boa Vida, xunto coa entidade amiga FormaVigo, participamos no acto “O modelo Galicia: transformando o Fondo Social Europeo (FSE+) en inclusión social real e efectiva”, un encontro no que se puxo en valor como Galicia está a converter os fondos europeos en oportunidades reais para reducir a pobreza e fortalecer a inclusión social.
O evento permitiunos coñecer experiencias, resultados e modelos innovadores que amosan o impacto positivo do FSE+ en miles de persoas en situación de vulnerabilidade. Para nós foi un espazo de aprendizaxe e conexión, reafirmando o compromiso co traballo comunitario e coa mellora da vida das persoas.
Seguimos sumando esforzos e alianzas para transformar recursos en oportunidades reais.
