Boa Vida e Rotary Club Campaña Xoguetes
A Asociación Boa Vida e o Rotary Club solicitan á cidadanía e empresas que leven
xoguetes aos centros de traballo ou ás tendas solidarias.
No marco da campaña “Agasallas reciclado? Crea economía local” Rotary Club
impulsa a campaña de recollida de xoguetes que os seus asociados entregarán a
Boa Vida antes do 15 de decembro.
Fan un chamamento ás empresas e profesionais, así como á cidadanía en xeral para
que acheguen xoguetes usados ou novos ao longo destes días a calquera das Tendas
Solidarias, rúa da Seca, 3 e rúa Santa Clara, 35 en Pontevedra e na rúa San Roque,11 de
Vilagarcía de Arousa.
Aquelas empresas que queiran adherirse e facer a recollida no seu centro de traballo
poden solicitar que Boa Vida vaia a recollelos solicitándoo no 605.399.142.
