XVII Encontro Galego de Participación para abordar o dereito á vivenda

Hoxe participamos no XVII Encontro Galego de Participación, impulsado por EAPN Galicia. Este espazo de traballo colectivo reuniu a entidades sociais de toda a comunidade co obxectivo de analizar unha das problemáticas máis urxentes do noso territorio: o acceso á vivenda digna.

Durante a xornada, as persoas asistentes compartiron diagnósticos dende a experiencia directa no acompañamento a colectivos vulnerables e, sobre todo, centráronse en formular solucións concretas e viables. As conclusións e propostas serán trasladadas á clase política autonómica, reforzando a nosa función como axentes de incidencia e transformación social.

A participación neste encontro enmárcase no noso compromiso coa defensa dos dereitos sociais e co fortalecemento da voz das persoas en situación de exclusión. A militancia activa e o traballo en rede seguen sendo alicerces fundamentais da nosa acción cotiá.

Agradecemos á EAPN Galicia a organización deste encontro e a todas as entidades e persoas participantes a implicación na procura de respostas colectivas á crise habitacional.