HISTORIA
Dende o 2010 en Pontevedra.
Nacemos no 2010, en Pontevedra, vinculados ao Equipo Municipal de Inclusión Social (EMIS), un programa municipal do Concello de Pontevedra. Co peche deste servizo decidimos continuar a nosa andaina como asociación e despois de traballar no fortalecemento do grupo promotor rexistrámonos como Asociación Filantrópica Inclusión Social Activa Boa Vida, en febreiro do 2012.
Estivemos dous anos levando a cabo os fins recollidos nos nosos estatutos, principalmente no referente aos dereitos e deberes sociais (actividades formativas, informativas e reivindicativas).
Cando estabamos a punto de disolvernos, recibimos o apoio (económico, técnico e humano) de Traperos de Emaús de Navarra. Decidimos manter a actividade e iniciar unha que a pesar de tela nos estatutos non eramos quen de pola en marcha: a actividade laboral.
No 2014 deseñamos o que é a nosa actual estrutura: Oficina de Dereitos e Deberes Sociais (ODDS), e Tendas Solidarias. Con ambas mantemos diferentes proxectos financiados polas administracións públicas, as doazóns e as vendas.
No 2015 abrimos a tenda solidaria de forma permanente, iniciando o proceso cara á empresa de inserción Vivir do Traballo. No 2016 consolidamos a Oficina de Dereitos e Deberes Sociais e Tendas Solidarias, cun almacén e unha furgoneta; ademais de estabilizar o equipo de traballo.
Temos a disposición as memorias anuais para poder ver a evolución.
